බස්සිගේ පහ වසරේ ක්ලාස් මේට් කෙනෙක් ළඟදි චැට් එකක් දාලා අහනවා පිය ගුණ ගීයක් ලියල දෙන්න කියලා.
ඒ යාලුවා චූටි කාලෙ ඉඳන් හැදුනෙ තාත්තත් එක්ක. ඉතින් එයාගෙ තාත්තගේ උපන්දිනේ දවසේ තෑග්ගක් විදියට සිංදුවක් කරන්නයි එයාට උවමනා වෙලා තිබුනෙ.
ඉතින් මම කලබලෙන් සිංදුවක් ඩ්‍රාෆ්ට් කරලා යැව්වා. පුදුමයකට වගේ, එයා කිසිම වෙනස්කමක් නොකර ඒ සින්දුව ඒ විදියටම බාර ගත්තා.
මේ තියෙන්නේ ඒ සිංදුව.
දිවි නැවට මහ රුවල ඔබමයි
සවි ගෙනෙන දෙවි රුවද ඔබමයි
රිවි රැසත් ගිරි හිසත් ඔබමයි
ඔබම පමණයි
පියාණනි මගෙ ලොවම ඔබමයි
බිළිඳු මට කිරි පබළු ඇන්දූ
මුව පුරා හසරැලි පැළැන්දූ
මව් සෙනේ දුන් පිය නිරින්දූ
ඔබම පමණයි
පියාණනි මගෙ ලොවම ඔබමයි
රැකවරණ උඩු වියන් ඇතිරූ
මවු ගුණත් – පිය ගුණත් මහරූ
හදේ ගැඹුරේ රැඳුනු පිළිරූ
ඔබම පමණයි
පියාණනි මගෙ ලොවම ඔබමයි
ගේය පද : යශෝධා සම්මානි
සංගීතය : තරිඳු දිසානායක
නියමයි. ගොඩක් පිය ගුණ ගී ලියවෙනවා මේ කාලේ . ඒක හොඳයි
ReplyDeleteතැන්කූ ඉයන්! :)
Deleteරෑට අහල කොමෙන්ට් කොරන්නම්...
ReplyDeleteපියවරුන්ට ගී ලියවෙන එක කොතරම් අපූරුද....
බොහොම ස්තූතියි මාතලන්.
Deleteසින්දුව අහලම අදහස් කියන්නකො.
ඔබට පියාගේ හැකියාව ලැබීම වාසනාවක්! තව ලියන්න
ReplyDeleteතැන්කූ රොටියයියේ!
Deleteඔව්, මේ ලියන්නේ තාත්තා පිරැවූ තීන්තෙන් තමයි. :/
පදමාලාවේ තියෙන සරල සුන්දර ගතිය වෙනසක් ඕනේ නැහැ කියල හිතෙන්න ඇත්තේ. ගායනයත් හොඳයි. මියුසික් ගැන නම් කියන්න තේරෙන්නේ නැහැ.
ReplyDeleteසින්දු ලියන එක ලේසි රාජකාරියක් නොවන බව දන්නා නිසාම මේ සිංදුවට ගරු කරනවා. නියමයි
තැන්කූ වේවා උපයෝ!
Deleteපුදුමෙකට වගේ පදවැල් ටික සැට් වෙලා තියෙනවාය පබලු වැලක් වගේ.. හැක්.
ReplyDeleteහිහී! ස්තූතියි දේශෝ!!
Deleteශහ්. බස්සිට නියමෙට සින්දුත් ලියතැහැකිනෙ. ගායනය සංගීතයත් ගැලපෙන විදිහට පාවිච්චි කරල තියෙනව. වීඩියෝව ගැන මම නොකියම ඉන්නම්.
ReplyDelete'බසු ගීත' ලේබලය යටතේ බලන්න.
Deleteමුකුත් නොකියම ඉන්න එපා. මේක ඇගේ පළමු ගීතය. ඔබේ අදහස් වටිනවා.
මව් ගුණ ගිතයක් ලියන්න ගියාම නම් කරුනු බොහෝ තිබුනත් පියවරුන් ගැන ලියන්න ගියාම කරුනු ගලපන එක අපහසුයි.
ReplyDeleteබස්සි පියකුගේ ගුණය ගැන හොදින් දැනෙන විදියට ලියලා තිබෙනවා.මගේ පාසල් වැඩසටහන් වලදි මට මේ ගීතය ගොඩක් ප්‍රයෝජනවත් වෙයි.
බොහොම ස්තූතියි මනෝ. අහන්නත් සතුටුයි ඒ ගැන.
DeleteWow !!
ReplyDeleteකවි වගේ නෙමෙයි නේද E de B M?
Deleteගද්‍යාබාධිත අපටත් තේරෙනව. හොඳට වදිනව
අනිවා අයියන්ඩි
Deleteතැන්කූ තැන්කූ ඩබලටම!!
Deleteපිය ගුණ ගී හරි අඩුයි අප්පා....... අපිටත් හරි නින්දාවක් මේ අඩුව. සම්මානිට සම්මානයක් දෙන්න වටිනවා මේ වැඩේට.
ReplyDeleteබොහොම ස්තූතියි බණ්ඩා! :)
Deleteඑල ද බ්‍රා
ReplyDeleteපොඩි මෙන්ඩත් එක්කම අහන්නම්
යා යා! ආඩම්බරෙන් අහපං.
Deleteඋපේක්ශා අක්කා කිව්ව වගේම සින්දු ලියන එක ලේසි දෙයක් නෙමෙයි...ලස්සනයි බස්සි අක්කේ
ReplyDeleteබොහොම ස්තූතියි මල්ලි!
Deleteමේකෙ මොනා කපන්න කොටන්නද නියමනෙ බස්සි. තාත්තෙක් විදිහට මටත් මේ සින්දුව හොදට දැනුන.
ReplyDeleteතාත්තෙක් විදියට දැනුනා කියන රෙකමන්ඩේෂන් එක මට මාරම වටිනවා. ස්තූතියි අයියේ!
Deleteමවු පිය ගුණකද නමි කොතෙක් ලීව්වත් අවසන් කරන්න බැරි තරමට උතුම්ය.කවියෙකින්ත වත් එක කියා නිම කරන්න බැරි තරම්. ගොඩක් ලස්සනයි මස්සි.
ReplyDeleteඅපේ පැත්තටත් වේලාවක් තියනවානම් ඇවිත් යන්න http://aseniwesi.blogspot.com
ජයවේවා...!
ස්තූතියි අසෙනි. ඇවිත් යන්න එන්නම් අනිවාර්යයෙන්ම!
Deleteඅක්කේ... උඹට හරි යන්නේ ඔය ඩයලොග් මඟුල නෙවෙයි බං! පැන අතට ගනින්
ReplyDeleteපෑන නෙමෙයි කී බෝඩ් එක. හී!
Deleteබලමු ඈ. හැමෝමත් කියන එකේ.
ලස්සනයි බස්සි. දුලබ, ඒ වුනත් සරල වචන ලස්සනට ගලපලා.
ReplyDeleteබොහොම ස්තූතියි සිතූ!
Deleteලස්සනම ලස්සනයි බස්සි අක්කේ............ පද මාලාවෙ වචන පට්ටෙටම ගැළපෙනවා............... සුපිරි.............
ReplyDeleteඅප්පේ! තැන්කූ තැන්කූ ආර්යන්!
Deleteසුපිරි.
ReplyDeleteදැන් තියෙන ප්‍රශ්ණෙ ඉස්සර වගේ කොන්දේසි විරහිත ආදරයක් දක්වන්න පියෙකුටත් අමාරුයි අර සමහර පිම්පියෝ කරන වැඩ නිසා.
මේ මෑතකදි මගෙ හිත සසල කලේ කම්මලයා දාලා තිබ්බ කමෙන්ට් එකක් දුව ගැන. ඒ දරුවා ඉස්කෝලෙදි අහලා තියෙන කතාවක් නිසා තාත්ත ලඟට එන්නත් බයක් දක්වනවලු. ඒක කියවපු මම තනියෙම දුක්වුනා මිසක් කම්මලයගෙන් වත් ඇහුවෙ නෑ ඒ ගැන. ඒක ඒ තරම් කණගා‍ටුදායකයි. ඒ තරම් හදවත් පාරවන සුළුයි.
ඩුඩ් ,
Deleteමොකද්ද මන්ද, මටත් ඒ කම්මලයාගේ වචන ටික පපුවේ ඇමිනුන කටුවක් වගේ, තාමත් රිදෙනවා. මමත් තනියෙන් කොච්චර සුසුම්ලැවද කියල මම විතරයි දන්නේ. කාට කියන්නද? මොකද බ්ලොග් එකේ තිබ්බ කියන්නය?
මම ඒ කමෙන්ටුව හරහා ගිහින් නෑ වගේ.
Deleteඇත්තටම, අපිත් දවසක් කතා උනා ඔය ගැන. මාධ්‍ය පහුගිය කාලෙ ට්‍රයි කලේ දූවරු බිලිගන්න පියවරුන්ගේ රැල්ලක් නිර්මාණය කරන්න නෙව. ඒ මිනිස්සුන්ට තමන්ගෙ ගෙවල්වලින්ම ඕකට විපාක ලැබෙයි කියලයි අපි කතා උනේ. ලොකු කම්පාවක් ඇති උනා ඩූඩ්ගෙ මේ කතාව දැකලා.
ලිවීම නම් නියමයි නේ...
ReplyDeleteඒකනේ ඔයාට ම කිව්වේ අර තරඟේ ගැන...
දැම්ම ද අයදුම් පත්‍රයක්???
නැද්ද ඇන්ඩි මට්ටමේ කතාවක් එහෙම???
මේ දවස්වල වෙන වැඩක් වෙනුවෙන් සම්පූර්ණ කාලයම කැප කරලා නිසා අරකට අයදුම් කලේ නෑ. ඒත් ගොඩක් ස්තුතියි ඔයාට ඒ තරඟය දැක්කම මාව මතක් උනාට.
Deleteඇන්ඩි මට්ටමේ කතාවක් ලියන්න කාලෙ හරි වගේ නේද! බලමු.
තාත්තා කෙනෙක් ගැන හරිම සුන්දර විදිහට පද රචනා කරල තියෙනවා. ...
ReplyDeleteබොහොම ස්තූතියි සිතිජ ඉම!
Deleteතාත්තා කෙනෙක් ගැන හරිම සුන්දර විදිහට පද රචනා කරල තියෙනවා. ...
ReplyDeleteබොහොම ස්තූතියි සිතිජ ඉම!
Delete(y) (y) (y)
ReplyDeleteතැන්කෝ!
Deleteහරිම අපූරුයි... උපන්දින තෑග්ගක් විදිහට මෙහෙම දෙයක් ලැබෙනකොට තාත්තට කොයිතරම් සතුටු හිතෙයිද...
ReplyDeleteඒකනෙ, ඒ තාත්තා දුවලා හතරදෙනෙක් එක්ක තනිකරල දාල අම්මා යන්න ගියාටත් පස්සෙ, පුදුම කැපකිරීමක් කලා ඒ දූවරු වෙනුවෙන්. ඒ කතාව ගලපන්න අපහසු නිසා මෙතන නොලිව්වෙ. ස්තූතියි තුශ්!
Deleteෂෙහ්....ඉතාම අනර්ඝයි.....මේ...කොහෙන්ද මේක අහන්න පුලුවන්?
ReplyDeleteඇයි රවී අයියෙ අර සින්දුව දාල තියෙන්නෙ.
Deleteප්‍රසන්න,
Deleteඅඩේ මම කමෙන්ට් එක දානකොට එතන හිස්නෙ තිබ්බෙ. මම ඒත් කල්පනා කලා මොකෝ මෙතන මෙච්චර ස්පේස් එකක් කියල.......සමහරවිට ලෝඩ් වෙන්න වෙලා යන්න ඇති….:)
සින්දුව ලෝඩ් වෙන්න පමා වෙන්නැති!
Deleteස්තූතියි රවි අයියේ!
නියම සින්දුවක්. ලස්සනයි.
ReplyDeleteතැන්කූ ප්‍රසන්න අයියේ!
Deleteපද වැල් සරල උනත් තාත්තා කෙනෙක්ගේ ආදරය සරල වෙන්නේ නැහැ.හරිම ලස්සනයි යශෝ.
ReplyDeleteබොහොම ස්තූතියි මනෝ!
Deleteමමත් පොඩි කාලේ ඉඳන් හැදුනේ අප්පච්චි ගාව. පියගුණ ගීත බොහොම අඩුයි. මේ උත්සාහය හොඳයි. තව දෙක තුනක් ලියන්න අක්කේ!
ReplyDeleteබොහොම ස්තූතියි අඟහරු මල්ලි!
Deleteමේ සින්දුව අහුනට පස්සෙ තාත්තගෙ මූණේ තියන හිනාව ගැන තමා මම හිතුවෙ. තාත්තගෙ උපන්දිනේ දවසට මේ වගේ දෙයක් දෙද්දි තාත්තගේ ඇස් නම් සතුටු කඳුළු වලින් පිරෙන එක නොඅනුමානයි :)
ReplyDeleteඒකනෙ. තාත්තා කෙනෙකුට දෙන්න පුලුවන් හොඳම තෑග්ගක් නේද!
Deleteතාත්තා කෙනෙක්ට තමන්ගෙ දූ සිගිත්ත දුකක් දුන්නත් සතුටින් බාර ගන්නව...එහෙව් එකේ තාත්තා මේ සින්දුව ඇහුවම චිත්ත සන්තානය තුල මොන තරම් සතුටක් නම් ඇති කර ගනීවිද
ReplyDeleteඔව් සිතිජ. ඒ තාත්තා ගොඩක් සතුටු වෙන්න ඇති!
Deleteබස්සි , මේ ගීතයේ වෙනස් කමක් කරන්න අවශ්‍ය වෙන්න අන්තිව ඇති, මොකද මේ ගීතය ඔයා ලියලා දුන්නා වුනාට ,මේක උඹේ හිතේ ගැඹුරින්ම ලියවෙච්ච ගීතයක් නිසා . ජයවේවා , ගීතයත් ගායනයත් සංගීතයත් ත්‍රිත්වයම ලගන්නා සුළුයි
ReplyDeleteතැන්කූ තැන්කූ ලව්පූසෝ!!
Deleteනන්දාගේ සිංදුව වගේ නෙ බං...
ReplyDelete“ඔබම පමණයි.. ඔබ අනන්තයි...“
සෑමා දැකපු කල්
Deleteසෑමා දැකපු කල් x 2
Deleteබස්සියා වචන ටික නම් පුදුම ලස්සනක්.... හඩ,සංගීතය නියමෙට ගැලපෙනවා.... තව ,තවත් ගීත රචනයේ යෙදෙන්න ලැබේවායි සුබ පැතුම්!!!
ReplyDeleteතැන්කූ තැන්කූ ශානු අක්කියෝ!!
Deleteකලබලෙන් ලියලා මෙහෙමත් ලස්සන නම් නිවී සැනසිල්ලෙ ලිව්වොත් කොහොමද?
ReplyDeleteහදපිරි සුභපැතුම් බස්!
නිවී සැනසිල්ලේ ලියන්න වෙන්නෙ ඉතින් නාකිවෙලා මහළු නිවාසෙකට ගිය කාලෙක තමයි අනේ. :D
Deleteබොහොම අපූරුයි බස්සියෝ...
ReplyDeleteසුබ පැතුම් එක හිතින්ම....
තැන්කූ තැන්කූ විභියෝ!!
Deleteනිර්මාණෙකට මූඩ් එක එන වෙලාවයි මාරයා එන වෙලාවයි කියන්න බෑ කියනවානෙ.කිසි කලබල ගතියක් පෙනෙන්නෑ.. නියමයි.
ReplyDeleteජයවේවා..!!
බස්සෙකේ එන වෙලාවටනම් කලබලේ ඉන්නෙ මම නෙමෙයි, බස් ඩ්‍රැයිවර්නෙ. :)
Deleteබොහොම ස්තූතියි පැපෝ!
This comment has been removed by the author.
ReplyDelete1. ගී පබැඳීම අමාරුයි මම දන්නවා. ඒත් බස්සි ගැන මම දන්න පුංචි ප්‍රමාණය අනුව මීට වඩා දෙයක් කරන්න බස්සිට පුළුවන් කියල හිතෙනවා.( අවංකව හිතෙන දේ ).
ReplyDelete2. ගායනය හොඳයි. එත් තනුව වෙනස්වුනා නම් වඩා පද රචනයේ හැඩතල මීට වඩා එලියට ගන්න පුළුවන් කියලා හිතෙනවා.
3. අහල නැති අය අහල බලන්න කසුන් මලයගෙ අප්පච්චී ගීතය. මෙතනනට කොටලා අහන්ඩ
ස්තූතියි චානා!
Deleteගොඩක් සතුටුයි ඔයාගෙ අදහස කෙලින්ම කියපු එක ගැන. එතකොට තමයි වැරදෙන තැන් හදාගෙන ඉස්සරහට යන්න පුලුවන්.
මට සින්දු ලිවීම කියන්නෙ එපාවෙන සහ ඉතාම අමාරු වැඩක්. සමහරුන්ටනම් ඒ හැකියාව ඇඟේම තියෙනවා.
දෙකම හොඳයි බස්සි ළමයෝ.
ReplyDeleteස්තූතියි අජිත් අයියේ!
Deleteමේ ගායිකාව දන්නා කෙනෙක් නම් නෙවි. කටහඬ ලස්සනයි.
ReplyDeleteමේ ඇගේ පළමු ගීතය. වෘත්තීයෙන් ගායිකාවක් නෙමෙයි. මේ ගීතය කලෙත් එයාගෙ තාත්තට උපන්දින තෑග්ග විදියට දෙන්න.
Deletehttp://nelumyaya.com/?p=4469
ReplyDeleteමේ සහයෝගය අපිට ගොඩාක් වටිනව.
DeleteThis comment has been removed by the author.
ReplyDeleteහරිම ලස්සනයි බස්සි. පද ගැලපීම ගැන කියන්න දෙයක් නෑ.
ReplyDeleteහරිම ලස්සනයි. මම ෆෝන් එකෙන් කථා කරනකොට පුතා මොන්ටිසෝරියේ කියලාදෙන සිංදු කියනවා.ඔයාගේ හැම පොස්ට් එකක්ම වගේ කියෙවුවා කොමෙන්ට් කරන්ඩ වෙලාව අඩුයි.
ReplyDeleteසිංහල බ්ලොග්ගල