කට හැකර නයනාට…..

 
නයනා,
අපේ සල් ගහ ලෙඩින් වැටුනා......
සාමාටත්, අමරටත්, කමල්ටත් කලින්
මම ඒ ගැන කිවුවෙ උඹට

කමල් මට හොඳටෝම බැන්න
උන්ට කිවුවෙ නැත්තෙ ඇයි අහලා......


උඹ දන්නවාද නයනා?
උන් තුන්දෙනා ආව පහුවදාම අපේ සල් ගහ බලන්න.
උඹ නාවට මම තරහ උනේ නෑ.

මොකද,
මං දන්නව උඹ රිසර්ච් එක නිසා බිසී විත්තිය....

 
සල් ගහේ ලෙඩ බලලා,
සල් මලක් අතින් අරන් හිනැහුනා තමයි.
ඒ කොලුකමට, කෙලි කමට,

පොටෝ පහක් ගත්ත, බුකියෙත් දැම්ම,
පුරුද්දට.....

 
නයනා,
සල් ගහ ලෙඩින් වැටුනාම,
ලෙඩ බලන්න බුලත් දෙන්න ඕනෙ නෑ....
ඒකයි සිංහල සිරිත.....


කෙල්ලෙක් නිසා උඹ,
බිරිඳක්, මවක් වෙයි දවසක,
වචන වල මුවහත,
අඩු කර ගනිං මදකට,

නැත්නම් උඹත් නොදැනම,
අත් දෙක කැපෙයි දවසක......

 
නයනා
අපේ සල් ගහ තාමත් ලෙඩින්,
උඹ නාපු එක ගැන,
බිංදුවක්වත් තරහ නෑ මම,

ඒත් උඹෙ වචනෙට,
හදවත තුවාලයි හොඳටෝම..........