මට ඕනෙ ලාවා කේක් එකක් වෙන්න

පිට අයට පේන්නට

විනීතව එකලස්ව ඉන්න

චාම් සුදු සීනි මල්

හිස වටේ සීරුවට පළඳින්න

සිහින් චොකලට් සුවඳ තැවරුන

නැවුම් උණු කවි පබඳින්න

ඔබේ මුදු ස්පර්ශයන් මැද

හදවතේ දොරපියන් හැරලන්න

මිහිරිතම චොකලට් ගඟක් මෙන්

උණුම උණු ආදරෙන් නහවන්න

ඔව් ඔබට විතරක්ම පුලුවන්

මගෙ හිතේ පතුලටම කිමිදෙන්න

උකුම උකු සිනහවක දැවටෙන්න

නිසල ප්‍රාවරණයක සැඟවුන

කෙලිලෝල ආදර ගඟක් ගැන

මිහිරි රහසක වචනයක්වත්

කිසිම කෙනෙකුට නොකියන්න

~~~~~~~~~~~~~~