ඔයා - එයා සහ මම

මම ජනෙල් තිරය මෑත් කරලා කළුවරට එබුනා. මල් වට්ටියක් ඉහිරිලා වගේ අහස පුරාම නිවි නිවී දැල්වෙන තාරකා. වෙලාව රෑ එකොළහට විතර ඇති. නිවාස සංකීර්ණයේ ගොඩාක් ගෙවල් අඳුරුයි. මුලු ලෝකෙම නිදි ඇති. මගෙත් ඇස් පිහාටු බරයි. ඒත් ඉතින් හෙට chemistry ක්ලාස් යනකොට ඉවර කරගෙන යන්න පතරංග ජාතකයක් වාගෙ ටියුට් එකක් තියෙනව නෙ. මම ආයෙමත් පෑන අතට ගත්තා.

ජනෙල් තිරය වහලා දාන්න අත දිගු කරනකොටම මට ඔයාගෙ කාමරේ ලයිට් එළිය ඇහැ ගැහුනා. ඔයා තරහෙන් වාගෙ ෆෝන් එක ඇඳ උඩල වීසි කරනවා මට කවුලුව අතරෙන් පෙනුනා. අදත් රණ්ඩුවක් වෙන්න ඇති. එයා ඔයාගෙ ජීවිතේට ආපු දවසෙ ඉඳන් මම ඔය මූනෙ හිනාව දැක්කෙ හරිම අඩුවෙන්.

"ඔයා හොඳින්ද?" මම කටු වැඩට ගෙනා කොලේක ලියලා ජනේලෙන් ඔයාට පෙන්නුවා.

"බොරු රැඟිලි එපාවෙලා." ඔයා හිනාවෙවී උත්තරේ ලියාපු කොලේ මට පෙන්නුවා.

"මටත් දුකයි" මම ලිවුවා.

"මම ආදරෙයි ඔයාට" මගේ අත පිලිපැද්දේ හදවතින් අණකරන දේ මිස මොලෙන් කියාපු දේ නෙමෙයි. ඒත් ඒක පෙන්නන්න හදනකොටම ඔයා ජනෙල් තිරය වැහුවා.

මම ලස්සන කියලා පිරිමි ළමයි අදහස් කරන දේ අහලකටවත් ළං වෙන්න බැරි කෙල්ලෙක්. මම කැමති බාච්චු වාගෙ ලොකු ටීෂර්ට් අඳින්න. ඇඟේ හැඩයක් පේන ඇඳුමක් අඳින්නයි කියලා මට අපේ අම්මා විතරක් නෙමෙයි ඔයාලගෙ අම්මත් කියල තියෙන වාර අනන්තයි. ඒත් ඩෙනිමයි, ලොකු ටීශර්ට් එකකුයි ඇඳලා, flip flops දෙකට බැහැලා ඇවිදිද්දි මොන සැපක්ද?

එයා අඳින්නෙ ලස්සන කලවා යුගලය පේන කෙටි සායවල්, ඇඟේ හැඩේ ඉස්මතු වෙලා පේන ලස්සන හිර ගවුම්, ඇඳුමට ගැලපෙන අඩි උස සපත්තු..... ඔයා විතරක් නෙමෙයි මම දන්න තරමින් ඉස්කෝලෙ හැම කොල්ලෙක්ම හීන මවන්න ඇත්තෙ ඒ වාගෙ කෙල්ලෙක් ගැනම තමයි.

ඔයා ඒ අතින් වාසනාවන්තයි. මුලු ඉස්කෝලෙම කොල්ලො ඔයාට ඉරිසියා කරනව ඇති.

මම Daddy බෑන්ඩ් එකේ පිස්සු සින්දුවක් දාගෙන නටන්න ගත්තෙ කම්මැලිකමට. මට එයාට වාගෙ ලස්සනට නටන්න බෑ. මම කරන්නෙ පිස්සු විකාර ඇක්ෂන් දාන ගමන් කණ්නාඩියෙන් මගේම විකාර බලලා සතුටු වෙන එක. T.V. එකේ යන එක එක commercials වල තියෙන කොටස් විකාර විදියට රඟපාන්නත් මම කැමතියි.

ඒත් ඒවා කොල්ලෙකුගේ හිත ඇදගන්නා ගෑනු ළමයෙක්ට ඔබින දේවල් නෙමෙයි වෙන්න ඇති.

*********************************************

සෙනසුරාදා පංති ඉවරවෙලා මම පාක් එකට ගියේ වෙනදා වගේම කතන්දර පොතක් ඇතුලෙ අතරමං වෙන්න. කවුරු හරි මා දිහා බලාන ඉන්නවා කියලා හැඟීමක් ආපු නිසා මම හෙමින් ඔලුව උස්සලා බැලුවා. ඔයා හිනා වෙවී මා දිහා බලාන ඉන්නව.

"මොකෝ මේ පැත්තෙ?"

"අදත් පරක්කුයි." ඔයා ඔරලෝසුව බලමින් කිවුවා.

"හ්ම්ම්.... ඔයා ආවෙ මාව බලන්න නෙමෙයි..." මගේ හිත මටම හිනාවුනා.

ඒත් එක්කම රතු පාට හුරුබුහුටි sports කාරෙකක් ඇවිත් අපි දෙන්න ඉන්න බංකුව ගාව නැවැත්තුවා.

"යන්නම්." ඔයා කීවෙ කලබලෙන් වාගෙ.

කාරෙකට නැග්ග ඔයාව එයා උණුසුම් හාද්දකින් පිළිගත්තා. ඒ අතරෙම ඔයාගෙ බෙල්ලට උඩින් මා දිහා පුරුදු විදියට ඔරවලා බලන්නත් එයා අමතක කලේ නෑ. එයාගෙ අලුත් කොණ්ඩා මෝස්තරේ දිහා මම ආසාවෙන් බලාන හිටියා. ඇත්තටම එයා ලස්සනයි. ඒත්........

********************************************* 

ඉරිදා තිවුන රගර් මැච් එකට මම මගේ ට්‍රම්බෝන් එකත් උස්සාන ආවෙ අපේ ටීම් එකට Cheer කරන්න. වාදකයෝ විස්සක් තිහක් අතරේ තවත් එක්කෙනෙක් විතරක් වුනු මාව ඔයාටනම් පේන්නවත් නැතුව ඇති.

එයාගෙ අලුත් කොණ්ඩා මෝස්තරේ අවුවට දිලිසෙනවා. Cheer leaders ලා එදා අලුත්ම steps වගයක් පුරුදු වෙලා ඇවිත්. හතුරු ඉස්කෝලෙ කොල්ලොත් බලන්නෙ අපේ Cheer leaders ලා දිහාමයි.

මැච් එක ඉවර වෙලා ඔයා විවේකාගාරයට ඇවිදගෙන එන හැටි මම ආදරෙන් බලාන හිටියා.

"මොකද්ද මෙතන වෙන්නෙ?" එකපාරටම ඔයාගෙ කටහඩ ඇහුනෙ අහස ගුගුරන්නා වාගෙ. එයා අනිත් පිලේ නායකයාගෙ උරහිසට හේත්තු වෙලා බර කතාවක්.

එතන සිදුවුන වචන හුවමාරුව මට ඇහුනෙ නැතත්, හෙල්මට් එක දමලා ගහලා ආපහු යන ඔයාගෙ මූණෙ තිවුන කලු වලාකුලු මම දැක්කා.

එදා රෑ මම පොත් ගොඩත් වටකරගෙන ඇඳට වෙලා පාඩම පටන් ගන්න ලෑස්ති උනේ. ඔයා එදා තිවුන ඩී.ජේ. එකට යන්න ලෑස්ති වෙලා.

"ඔයා එන්නෙ නෑද්ද?" ඔයා ලොකු අකුරෙන් කඩදාසියක ලියලා කවුලුව දිහාවට හැරෙවුවා.

"පාඩම් කරනවා." මම උත්තර බැන්දා.

"අපරාදෙ...." ඔයා පසුතැවෙන බව මට ඔයාගෙ මූනෙන් කියන්න පුලුවනි.

මම ඔයා කැමතිම සින්දුව දන්නවා. ඔයා කන්න කැමතිම කෑම. අඳින්න ආසම ටී ෂර්ට් එක පවා දන්නවා. ඔයාගෙ හීන ගැන අකුරක් නෑර ඔයා කිවුවෙ මටයි. ඒව දන්නෙ මම. මම විතරමයි.

එහෙනම් ඇයි ඔයාට මේක තේරෙන්නැත්තෙ? ඔයා මගෙ. මගෙ විතරක්මයි.

මම අක්කාගෙ Party Frock එකකුත් ඇඳගෙන ඩී. ජේ. එකට ගියේ ඔයාට එදා පෙන්නන්න බැරි වුන යමක් අතේ ගුලි කරගෙන.

ඔයා පුදුමෙන් වගේ මා දිහා බලාන හිටියා. මීට කලින් කවදාවත්ම මම ගවුමක් ඇඳලා නැති නිසා වෙන්න ඇති.

"මම ඔයාට ආදරෙයි" මම මෙතෙක් වෙලා අතේ ගුලි කරගෙන හිටපු කඩදාසිය දිගඇරියෙ හීනෙන් වගේ.

ඔයත් කමිස සාක්කුවෙන් කඩදාසියක් එලියට අදිනවා.

"මම ඔයාට ආදරෙයි" ඔයාගෙ ඇද අකුරු වලින් ඒකෙ ලියලා තිවුනා.

ඔයා මගේ තොල් සිපගන්න ළං වෙද්දි එයා ඈත ඉඳන් ගස්සාගෙන අපිට පිටිපස්ස හරවගත්තු හැටි මට පෙනුනා. එයාගෙ කෙස්වැටියෙ දිස්නයත් එක්ක ඇස් පියාගත්තු මම ඔයාගෙ තුරුලෙ උනුහුමට තව තවත් ගුලිවුනා..... 

You're on the phone with your girlfriend-she's upset,
She's going off  bout something that you said
'Cause she doesn't get your humor like I do.

I'm in the room, it's a typical Tuesday night.
I'm listening to the kind of music she doesn't like.
And she'll never know your story like I do.

But she wears high heels,
I wear sneakers.
She's cheer captain
And I'm on the bleachers
Dreaming about the day when you wake up and find
That what you're looking for has been here the whole time.

If you could see
That I'm the one who understands you.
Been here all along. So, why can't you see

You belong with me,
You belong with me?

Walking the streets with you in your worn out jeans
I can't help thinking this is how it ought to be.
Laughing on a park bench thinking to myself,
"Hey, isn't this easy?"

And you've got a smile
That can light up this whole town.
I haven't seen it in a while
Since she brought you down.

You say you're fine - I know you better than that.
Hey, what you doing with a girl like that?

Dreaming about the day when you wake up and find
That what you're looking for has been here the whole time.

If you could see
That I'm the one who understands you,
Been here all along. So, why can't you see
You belong with me?

Standing by and waiting at your backdoor.
All this time how could you not know, baby?
You belong with me,
You belong with me.

Oh, I remember you were driving to my house
In the middle of the night.
I'm the one who makes you laugh
When you know you're 'bout to cry.
I know your favorite songs,
And you tell me about your dreams.
Think I know where you belong,
Think I know it's with me.

Can't you see
That I'm the one who understands you,
Been here all along. So, why can't you see
You belong with me?

Standing by and waiting at your backdoor.
All this time how could you not know, baby?
You belong with me,
You belong with me.

You belong with me.
Have you ever thought just maybe
You belong with me?

You belong with me……………