සූකිරි (නිවාඩු දවසෙ රහ බලන්න.)

ලා රෝස හිමිදිරි කිරිල්ලිය

දල්වන්න පෙර

අහස් ලන්තෑරුම

මල් ළදැරියන් පිබිදෙත්

පිණි දියරකින්

මුහුණු දොවමින

~~~~~~~~~~~~~~~~~~~~

පරණ පොප්ලර් ගසෙක

උසම රිකිල්ලට නැගගත්ත

සිත්තරෙක්

අළු පාට සායම් අතුල්ලයි

සුදු වළා කැටි මත

~~~~~~~~~~~~~~~~~~~~

රුදුරු ගෙරවුම්

විදුලි එරෙවුම්

විඳිමින් අසෙනි අකුණක

බරවු දෙකොපුල්

බිමට හරවා

කඳුළු වගුරයි

ගගනත

~~~~~~~~~~~~~~~~~~~~

කළබල වීදියක

නියොන් එළි මග දෙපස දැල්වෙයි

දිවයන රිය පෙලද

තියුණු කහ එළි දල්වයි

සාදයට සැරසුන

තරු කිණිති

වියැකී යයි

~~~~~~~~~~~~~~~~~~~~